Catullus, Carm. 2 and 2b

2.

Passer, deliciae meae puellae,

//quicum ludere, //quem in sinu tenere,

//cui primum digitum dare appetenti

et acris solet incitare morsus,

[cum desiderio meo nitenti

carum nescio quid lubet iocari

et solaciolum sui doloris,

[credo] [ut tum gravis acquiescat ardor:]]

tecum ludere [sicut ipsa] possem

et tristis animi leuare curas!

2b.

Tam gratum est mihi [quam ferunt puellae

pernici aureolum fuisse malum,

[quod zonam soluit diu ligatam.]]