Horace, Carm. 1.25 [ed. Page]

Parcius iunctas quatiunt fenestras

ictibus crebris iuvenes protervi,

nec tibi somnos adimunt, amatque

ianua limen,

[quae prius multum facilis movebat 5

cardines;] audis minus et minus iam:

"me tuo longas pereunte noctes,

Lydia, dormis?"

invicem moechos anus arrogantes

flebis in solo levis angiportu, 10

Thracio bacchante magis sub inter-

lunia vento,

[cum tibi flagrans amor et libido,

[quae solet matres furiare equorum,]

saeviet circa iecur ulcerosum, 15

non sine questu,

[laeta quod pubes hedera virente

gaudeat pulla magis atque myrto,--(?)

aridas frondes hiemis sodali

dedicet Hebro. ] 20

protervus, -a, -um impudent, shameless, wanton

moechus, -i adulterer

angiportus, -us narrow street

interlunium, -i the change of the moon, time of the new moon

furio, -are make furious, madden

iecur, iecoris (n.) liver

ulcerosus, -a, -um full of sores, ulcerous; "inflamed"

pullus, -a, -um dark-colored; dark (green)

sodalis, -is (c.) companion, comrade, intimate