Horace, Carm. 1.34 (ed. Page)

Parcus deorum cultor et infrequens,

[insanientis dum sapientiae

consultus erro,] nunc retrorsum

vela dare atque iterare cursus

cogor relictos: namque Diespiter, 5

igni corusco nubila dividens

plerumque, {per purum} tonantes

egit equos volucremque currum,

[quo bruta tellus et vaga flumina,]

[quo Styx et invisi horrida Taenari 10

sedes Atlanteusque finis

concutitur.] valet ima summis

mutare et insignem attenuat deus

obscura promens; //hinc apicem rapax

Fortuna {cum stridore acuto} 15

sustulit, //hic posuisse gaudet.