Horace, Carm. 1.8 [ed. Page]

Lydia, dic, per omnes

te deos oro, [Sybarin cur properes amando

perdere; || cur apricum

oderit Campum, patiens pulveris atque solis?]

|| cur neque militaris (*)

inter aequales equitat, Gallica nec lupatis

temperat ora frenis?

|| cur timet flavum Tiberim tangere? || cur olivum

sanguine viperino

cautius vitat neque iam livida gestat armis

brachia, //saepe disco,

//saepe trans finem iaculo nobilis expedito?

|| quid latet, [ut marinae

filium dicunt Thetidis sub lacrimosa Troiae

funera, [ne virilis

cultus in caedem et Lycias proriperet catervas?]]