Horace, Carm. 2.15 (ed. Page)

Iam pauca aratro iugera regiae

moles relinquent, || undique latius

extenta visentur Lucrino

stagna lacu, || platanusque caelebs

evincet ulmos; || tum violaria et

myrtus et omnis copia narium

spargent olivetis odorem *or abl.

fertilibus domino priori;

tum spissa ramis laurea fervidos

excludet ictus. non ita Romuli

praescriptum et intonsi Catonis

auspiciis veterumque norma.

privatus illis census erat brevis,

commune magnum: nulla decempedis

metata privatis opacam

porticus excipiebat Arcton,

nec fortuitum spernere caespitem

leges sinebat, oppida publico

sumptu iubentes et deorum

templa novo decorare saxo.

violarium, -i (n.) : bed of violets

olivetum, -i (n.) : olive-grove

norma, -ae (f.) : rule, standard

census, -us (m.) : wealth, income

decempeda, -ae (f.) : measuring rod 10 ft. in length