Horace, Carm. 3.10 (ed. Page)

[Extremum Tanain si biberes,] Lyce,

saevo nupta viro, me tamen asperas

porrectum ante fores obiicere incolis

plorares Aquilonibus.

audis, [//quo strepitu ianua,] [//quo nemus

inter pulchra satum tecta remugiat

ventis,] et [positas ut glaciet nives

puro numine Iuppiter]?

ingratam Veneri pone superbiam,

[ne currente retro funis eat rota].

non te Penelopen difficilem procis *

Tyrrhenus genuit parens.

o [quamvis //neque te munera nec preces

//nec tinctus viola pallor amantium

//nec vir Pieria pellice saucius

curvat,] supplicibus tuis

parcas, //nec rigida mollior aesculo

//nec Mauris animum mitior anguibus.

non hoc semper erit liminis aut aquae

caelestis patiens latus.

procis

pellice (paelice) < paelex, paelicis (f.) : concubine, mistress

aesculus, -i (f.) : winter oak