Horace, Carm. 3.26 (ed. Shorey and Laing)

Vixi puellis nuper idoneus

et militavi non {sine gloria};

nunc arma defunctumque bello

barbiton hic paries habebit,

[laevum marinae qui Veneris latus

custodit.] hic, hic ponite lucida

funalia et vectis et arcus

oppositis foribus minacis,

o [quae beatam diva tenes Cyprum et

Memphin carentem Sithonia nive,]

regina, sublimi flagello

tange Chloen semel arrogantem.

funale, -is (n.) : wax torch

vectis, -is (m.) : lever, crowbar; bar, bolt