Horace, Carm. 4.13 (ed. Page)

Audivere, Lyce, di mea vota, || di

audivere, Lyce: fis anus, et tamen

vis formosa videri

ludisque et bibis imprudens

et cantu tremulo pota Cupidinem 5

lentum sollicitas. ille virentis et

doctae psallere Chiae

pulchris excubat in genis.

importunus enim transvolat aridas

quercus et refugit te, [quia luridi 10

dentes], te [quia rugae *or [te quia…

turpant et capitis nives].

nec Coae referunt iam tibi purpurae

nec clari lapides tempora, [quae semel * (cari)

notis condita fastis 15

inclusit volucris dies].

quo fugit Venus, heu, quove color? decens

quo motus? quid habes illius, illius,

[quae spirabat amores,]

[quae me surpuerat mihi, 20

felix {post Cinaram}, notaque et artium

gratarum facies]? sed Cinarae breves

annos fata dederunt

servatura diu parem

cornicis vetulae temporibus Lycen, 25

[possent ut iuvenes visere fervidi

multo non sine risu

dilapsam {in cineres} facem].