Horace, Carm. 4.8 (ed. Page)

//Donarem pateras grataque commodus,

Censorine, meis aera sodalibus;

//donarem tripodas, praemia fortium

Graiorum, || neque tu pessima munerum

ferres, divite me scilicet artium, 5

[quas aut Parrhasius protulit aut Scopas,]

hic saxo, || liquidis ille coloribus

sollers //nunc hominum ponere, //nunc deum.

sed non haec mihi vis, || non tibi talium

res est aut animus deliciarum egens. 10

gaudes carminibus; carmina possumus

donare et pretium dicere muneri.

//non incisa notis marmora publicis,

[{per quae} spiritus et vita redit bonis

{post mortem} ducibus,] //non celeres fugae15

reiectaeque retrorsum Hannibalis minae,

//non incendia Karthaginis impiae *text?

eius, [qui domita nomen ab Africa

lucratus rediit,] clarius indicant

laudes [quam Calabrae Pierides]: neque, 20

[si chartae sileant [quod bene feceris,]]

mercedem tuleris. quid foret Iliae

Mavortisque puer, [si taciturnitas

obstaret meritis invida Romuli]?

ereptum Stygiis fluctibus Aeacum 25

virtus et favor et lingua potentium

vatum divitibus consecrat insulis.*

dignum laude virum Musa vetat mori:

caelo Musa beat. sic Iovis interest

optatis epulis impiger Hercules, 30

clarum Tyndaridae sidus ab infimis

quassas eripiunt aequoribus rates,

ornatus viridi tempora pampino

Liber vota bonos ducit ad exitus.

sollers, sollertis : clever, skillful, adroit